SH.M.E - DON BOSKO

Qendra Social-Edukative “Don Bosko” në Prishtinë është thellësisht e zhytur në territor, duke e falënderuar sistemin e relacioneve dhe të shkëmbimit me agjensione të ndryshme edukative, të vogla dhe të mëdha, të cilat bashkëpunojnë në mënyrë efektive për të realizuar përvoja të ndryshme formimi.

Duke e falënderuar këtë lidhje solide, e vlerësuar nga një punë e dobishme e orientuar kah operatorët të Qendrës për Formim Profesional, ku edhe përqindja e mirë e nxënësve është e involvuar në punë  porsi fryt i angazhimit tonë.

 

Liceu Elektroteknik "Don Bosko"

Jemi një në botë

Liceu Elektroteknik ”Don Bosko” është i pari i këtij lloji në Kosovë, u themelua nga Qendra Social-Edukative ”Don Bosko” në Prishtinë.

Liceu Elektroteknik ”Don Bosko” ofron kushte optimale sipas standardeve më të avancuara të arsimit, staf profesional, infrastrukturë komplete shkollore dhe ambient të këndshëm mësimor me kohëzgjatje katër vjeçare.

Involvimi i Informatikës dhe i Telekomunikacionit është duke ecur me hapa shumë të shpejtë, prandaj, edhe ne jemi në hap me KOHËN!

Përveç planprogrameve moderne, Liceu ofron edhe metoda të reja në procesin e mësimit (me nxënësin në qendër të aktivitetit), sidomos ofron kushte në punën praktike dhe kërkimore të nxënësve në laboratorë dhe kabinete të pajisura me pajisje dhe mjete mësimore moderne.

Nxënësit kanë në shfrytëzim të përhershëm laboratorët e Elektroteknikës, Elektronikës e Informatikës, Gjuhëve të huaja, Bibliotekën si dhe kanë qasje të vazhdueshme në internet.

 

 

Në kuadër të Liceut Elektroteknik ” Don Bosko” që

nga viti shkollor  2008-2009  janë dy drejtime:

Teknik i Informatikës

Struktura e shkollimit dhe mundësitë e shkollimit
Arsimimi në profilin Teknik i Kompjuteristikës dhe Informatikës trajtohet në kuadrin e shkollimit në shkollat profesionale. Ky shkollim zgjat katër vite . Pas përfundimit të suksesshëm të klasës së 13-të nxënësi merr titullin Bashkëpunëtor Profesionistë të Kompjuteristikës dhe ka mundësinë:
• Vazhdimin e studimeve në gjitha degët e inxhinierisë teknike.
• Hyrje në tregun e punës.

Nxënësit të cilët kanë drejt shkollimi në këtë drejtim
Shkollimin për Teknik i Kompjuteristikës dhe Informatikës, mund të kenë të gjithë të rinjtë dhe të rejat të cilët kanë përfunduar arsimin e detyruar nëntëvjeçar dhe zotërojnë aftësi shëndetësore të mjaftueshme për të kryer shkollën e mesme të lartë.

Kompetenca profesionale
Teknik i Kompjuteristikës dhe Informatikës hartojnë softuerë (programe kompjuterike) të fushave të përgjithshme dhe të fushave të veçanta dhe ua përshtasinë kushteve përkatëse të klientëve të tyre. Ata i instalojnë i konfigurojnë dhe i mirëmbajnë harduerët dhe softuerët e krijuar, rrjetet kompjuterike, krijojnë dhe dizajnojnë web-faqe, krijojnë dhe sigurojnë të dhënat dhe japin këshilla dhe ushtrime për përdoruesit.
Teknik i Kompjuteristikës dhe Informatikës bashkëpunojnë në punëtori dhe dyqane të shitjes me kolegët e profesionit nga fusha e përpunimit të të dhënave dhe ajo e teknologjisë së informacionit dhe e komunikimit (TIK) dhe mbajnë kontakte me klientët e tyre.
Teknik i Kompjuteristikës dhe Informatikës kanë nevojë për njohuri më të gjerë nga disa fusha për t’i kryer detyrat e tyre, si: harduerë e softuerë, sisteme operative e programe aplikative, rrjete kompjuterike dhe bartje, sigurim dhe ruajtje e të dhënave. Ata duhet të kenë njohuri themelore në programim dhe në krijimin e bazës së të dhënave. Për Teknik i Kompjuteristikës dhe Informatikës është thelbësore njohuria dhe përvoja në fushat e përkufizimit të projekteve, të planifikimit të projekteve dhe të kontrollimit të tyre.
Ata bëjnë testime, i vlerësojnë ato dhe pastaj i kërkojnë, analizojnë e mënjanojnë gabimet e defektet. Teknik I Kompjuteristikës dhe Informatikës i këshillojnë klientët e tyre për të gjitha çështjet harduerike dhe softuerike, si dhe i aftësojnë ata.
Për të gjitha këto, ata kanë nevojë për dokumente teknike, doracakë etj. Ata bashkëpunojnë me kolegë të profesionit nga fusha e përpunimit elektronik të të dhënave dhe nga fusha e teknologjisë së informacionit (IT), varësisht nga detyrat e tyre në zyrë, punëtori dhe dyqane të shitjes. Ata punojnë sipas udhëzimeve të udhëheqësve të sektorit (repartit).

Mundësit e studimit
Teknik i Kompjuteristikës dhe Informatikës kanë një shkallë të mjaftueshme të arsimimit të përgjithshëm, e cila atyre u mundëson të vazhdojnë studimet në fakultete :
• Inxhinerike të Informatikës
• Inxhinerike të Elektroteknikës (në të gjitha drejtimet)
• Inxhinerike të Telekomunikacionit
• Departamentin e Matematikës (Shkenca Kompjuterike)
• Menaxhim Biznesi me Informatikë dhe fakulteteve tjera.

 

Teknik i Telekomunikacionit

Kompetenca Profesionale

 

Në të ardhmen Liceu Elektroteknik ” Don Bosko” do të ketë edhe drejtime tjera profesionale, me mundësi të profileve fleksibile sipas kërkesave dhe nevojave të vendit.

Liceu ka karakterin e sistemit të mbyllur shkollor me qëndrim ditor të nxënësve dhe atë:

• prej orës 07:45 – 14:30, organizohet mësimi intensiv sipas orarit të rregullt.
• prej orës 14:30 - 15:45, organizohen aktivitete jashtëkurrikulare dhe mbahet mësim plotësues (mësimi kabinetik) sipas nevojave të nxënësve dhe aktivitete tjera.

Nxënësit të cilët kanë të drejt në bursën e shkollës:

Liceu Elektroteknik “DON BOSKO “ do të ndajë bursa për ketë shkollim , bursa është shkollimi pa pagës për një vit shkollor , por me mundësi vazhdimi deri në katër vite ( deri në përfundim të Liceut ) me kusht që bursisti çdo vit shkollor të arrijë kriteret e caktuara nga liceu gjatë vitit shkollor paraprak. Duhet ti plotësoj kushtet të cilat i cakton këshilli udhëheqës i Liceut.

Të gjithë nxënësit që dëshirojnë të konkurrojnë për bursën e shkollës duhet ti plotësojnë këto kushte:

1. Familja e nxënësit duhet të jetë shfrytëzuese ndihmës sociale (solidare) nga Ministria e Punës dhe Mirëqenies Sociale, dhe fëmijët bonjak.
2. Nxënësi duhet te ketë të kryer arsimin e detyruar nëntëvjeçar me sukses mbi mesataren për nëntë vjet e shkollimit.
3. Nëse numri i aplikuesëve është më i madh se numri i bursave që ofron liceu atëherë do të organizohet testimi i nxënësve nga lëmit e lëndëve natyrore shkencore.

SHKOLLA DON BOSKO NË KOSOVË:

• Shkolla jonë ka stabilizuar standardet specifike mbi shërbimin, që garanton përgjegjësinë dhe respektin mbi:
• Regjistrimin e nxënësve dhe kandidatëve duke fiksuar takime dhe termine me zëvendës drejtorin dhe me drejtorin e Qendrës, të cilat konfirmohen nga vet sekretaria  duke kërkuar dokumentet e duhura dhe të nevojshme për takim;
• Regjistrimi në klasët respektive vijnë automatikisht me përzgjedhje dhe plotësim të standardeve të nevojshme për formim të klasëve;
• Lëshimi i certifikatave të ndryshme do të realizohen në kohë maksimale të duhur;
• Njohjet dhe dokumentet e ndryshme do të dorëzohen në marrëveshje dhe në koordinim mes sekretarisë dhe palëve;
• Personeli përgjegjës i zyrave administrative garanton një orar të hapjes dhe të mbylljes, me përgjegjësi maksimale që respektohet në të gjitha kohërat e stabilizuara.
• Drejtoria e Qendrës tonë është gjithmonë e disponuar të pranojë dhe të dialogojë sa herë që ka nevojë në koordinim me stafin e Këshillit të Institutit.
• Sigurimi te porta jashtë qendrës dhe në brendësi të shkollës, është organ i sigurisë me garanci kontrolli dhe udhëzimi për të gjithë ata që kanë nevojë shërbimi në Qendrën tonë;
• Sekretaria didaktike është e hapur çdo ditë (në ditët e punës) për informata dhe kërkesa të ndryshme, në oraret e punës nga ora 08.00 deri në ora 16.00.
• Edhe sekretaria administrative është e hapur çdo ditë (në ditët e punës) nga ora 08.00 deri në ora 16.00.
• Edukatorët/et në korridore, garantojnë mbarëvajtje dhe ecuri të mirë të procesit mësimorë, poashtu të kujdesën në të gjitha oraret e mësimit në korridore dhe ambiente të tjera të Qendrës.

 

 

 

PROGRAMI PËR LICEUN ELEKTROTEKNIK DON BOSKO

 Nxënësit e Liceut Elektroteknik “Don Bosko” mund të realizojnë aftësitë e tyre: në aktrim, në muzikë, në aktivitet kulturor në sport dhe në aktivitete tjera që shkolla organizon gjatë vitit.

 

Vërejtje dhe obligimet:

 ▬ Asnjë nxënës nuk mundet ta arsyetoj veten për mungesa apo mosardhjen e tij. Këtë mund ta bëjnë vetëm prindërit e tyre.

 ▬ Prej orës 7:55 deri 15:45 lejen për largim nga Qendra e jep vetëm drejtori, në rast të mungesës së tij, zv. drejtori jep leje.

 ▬ Nga mëngjesi deri në kohen kurrë dalin nxënësit  nga Qendra, përgjegjësia është e jona.

 ▬ Çdo dokument që ju nevojitet mundeni ta merrni tek sekretaria e Liceut.

 ▬ Pagesa e kësteve  duhet të paguhet pranë sekretarisë së liceut çdo muaj nga fillimi i muajit deri me datën dhjetë të ati muaji.

 ▬ Çdo të premte nga orën 14:00, organizohen mbledhjet për profesorët, për stafin; momentet edukative, sportive, dhe rekreative për nxënësit e Liceut.

 ▬ Çdo muaj organizohen takimet e drejtorit me nxënësit e liceut si dhe çdo tre muaj takimi me prindërit e nxënësve të liceut. 

 ▬ Herë pas here do të organizohen takime kulturore si dhe konferenca të ndryshme gjatë vitit.

 ▬ Prindërit  kanë mundësi të takohen me koordinatorin e liceut për fëmijët e tyre dhe nëse kanë nevojë mund të takohen edhe me drejtorin e Qendrës.

 ▬ Takimi i prindërve është i obligueshëm

 ▬ Nxënësit dhe profesorët duhet ta respektojnë rregulloren e Liceut

 

• 11 Shtator

  SHKOLLA E MESME - LICEU ELEKTROTEKNIK - filluan nga data 14 janar 2013 (e hënë), filluan regjistrimet për vitin e ri shkollorë 2013/2014. Ju mirëpresim, mos hezitoni ejani.

• Rregullorja e nxenesve Shkarko
• Broshura e Liceut Elektroteknik 2 Shkarko
• Broshura e Liceut Elektroteknik Shkarko