Sot, më 3 shkurt 2017, duke filluar në ora 11:00, në Qendrën tonë u mbajt program kulturo-artistik i përgatitur me mjaftë përkushtim nga nxënësit e Shkollës së Mesme të Lartë si dhe nga ata të Shkollës Fillore dhe të Mesme të Ulët.

Drejtori i QSE “Don Bosko”, Don izidor Llukiç, me fjalën e tij përshëndeti të gjithë të pranishmit që kishin ardhur për  të na nderuar me praninë e tyre, e të cilët nuk ishin të paktë në numër.

Më pas fjala i takoi Mons. Lush Gjergjit, i cili uroi nxënësit për punën dhe sukseset e mëtutjeshme.

Gjithashtu, fjalën e mori edhe Agim Krasniqi, udhëheqës i Arsimit Privat parauniversitar në Kosovë, i cili përshëndeti dhe uroi nxënësit dhe stafin për punën dhe sukseset.

Sot në këtë program kulturo-artistik u dhanë edhe çmimet për tri esetë më të mira, ku fitues ishin si vijon:

Vendi parë i takoi nxënëses Gresa Berisha nga Shkolla e Mesme e Lartë “Ali Sokoli”,

Vendi i dytë i takoi nxënëses Blerina Beqiri nga Shkolla e Mesme e Lartë “Ali Sokoli” dhe

Vendi i tretë i takoi nxënëses Lenda Gashi nga Shkolla e Mesme e Lartë “Don Bosko”.

Më pas u ndanë edhe çmimet për aktivitetet sportive dhe për nxënësit që morën pjesë në Garën e Pikturës, për t’i lënë hapësirë pikave artistike të përgatitura nga nxënësit tanë, duke filluar nga më të vegjëlit e deri tek ata më të mëdhenjtë.

Kështu përmbyllëm një javë të tërë aktivitetesh e ngjarjesh, nëpër të cilat nxënësit tanë treguan talentin, atraktivitetin  dhe përkushtimin për suksese të mëtejme.

Dhe krejt në fund të këtij lajmi, ju bëjmë me dije se nesër mbrëma,  në hapësirat e QSE ”Don Bosko” organizohet Koncert për  të rinjtë, duke filluar  në orën  20:00.