Klasa XI-A ka gjithsej 33 nxënës që vijojnë mësimin në mënyrë të rregullt. Prej tyre 21 janë femra ndërsa 12 janë meshkuj. Duke qenë se shkolla nuk është vetëm vend i mësimit kurikular, por edhe vend i edukimit të vlerave humane dhe intelektuale, një gjë e tillë ndodh edhe me nxënësit e klasës XI-A, domethënë në klasë frymon një atmosferë e edukimit integral të nxënësit. Ose, thënë ndryshe, nxënësit janë subjektet e procesit edukativ dhe formues. Padyshim se funksionimi i trekëndëshit, mësimdhënës-prind-nxënës, është një parakusht për një mësimdhënie dhe mësimnxënie të suksesshme dhe produktive. Bashkëpunimi dhe kontaktet me prindërit e nxënësve të klasës XI-A janë mirë të realizuara. Mund të them se ata janë të përgjegjshëm dhe gjithnjë të gatshëm t’u përgjigjen nevojave te fëmijëve të tyre lidhur me procesin mësimor-edukativ duke përmbushur me dinjitet misionin e të qenurit prind. Natyrisht se arritja e njohurive të reja është një proces i pakufizuar. Megjithatë, fal punës së palodhshme që bëhet në klasë nga ana e mësimdhënësve, ecuria e nxënësve në procesin edukativo-mësimor është në nivel të kënaqshëm. Nxënësit janë mjaft kureshtare, ambiciozë dhe të interesuar për zgjerimin e njohurive të tyre. Ata janë të hapur dhe pa hezitim pyesin për çdo gjë që ju intereson të njohin më gjerësisht dhe në mënyrë më të detajuar. Natyrisht, gatishmëria e mësimdhënësve nuk mungon asnjëherë për të shuar kureshtjen e tyre lidhur me atë që pyesin. Dhe, rrjedhimisht, sukseset janë të dukshme. Përveç orëve të rregullta mësimore janë të planifikuara edhe orët shtesë të mësimit. Ato ndiqen në bazë të nevojave që kanë nxënësit për njohuri shtesë në lëndë të ndryshme, varësisht ku ata e shohin të nevojshme. Nxënësit e klasës XI-A përveç që ndjekin me sukses mësimet që përfshin kurikula shkollore, janë të përfshirë dhe pjesëmarrës aktivë edhe në aktivitete jashtëkurikulare. Ata, shpeshherë janë pjesë e programeve të ndryshme me karakter kulturo-artistik që organizon shkolla me rastin e festave të ndryshme, duke treguar kështu afinitete e tyre në fusha të ndryshme, si në vallëzim, recitim, etj. Kujdestarja e klasës, prof. Arbenita Musliu

NXËNËSIT:

Klasa e XI/B numëron 34 nxënës prej të cilëve 18 janë vajza e 16 janë djem. Konceptin e edukimit do ta filloja me një thënie “Të jesh njerëzor është qëllimi i çdo lloj edukimi klasik, qoftë në lindje apo në perëndim”. Por, të edukosh breza të tërë është më shumë njerëzore sepse atëherë edukohet një popull. Këtë mundësi e kanë mësuesit, arsimtarët, profesorët. Si kujdestare e klasës XI/B përgjegjësia me shtohet edhe më shumë, kur shoh kurreshtjen e nxënësve për të mësuar. Kjo më bën edhe më të palodhshme. Në realizimin e këtij misioni të shenjtë është edhe raporti që kemi krijuar me prindër që i përket një bashkëpunim profesional. Kontakti me prindër gjithsesi lehtëson punën tonë, andaj ju jam mirënjohëse prindërve të cilët në çdo moment janë të gatshëm të bashkëpunojnë me mua ,si kujdestare klase. Vijueshmëria e nxënëseve është e rregullt, pa shumë mungesa dhe kjo ndikon edhe në respektimin e rregullave shkollore. Unë si kujdestare vazhdimisht do të angazhohem në punën time me qëllim që këta nxënës të bëjnë më të mirën për veten e tyre. Suksese edhe për vitet e tjera që kemi përpara!!! Kujdestarja: Lindita Bruti

NXËNËSIT:

Klasa e XI/C numëron gjithsej 34 nxënës nga të cilët 22 janë femra dhe 12 meshkuj. Shkolla “Don Bosko” si pikë synimi së pari ka edukimin dhe pastaj arsimimin e nxënësve të saj, me qëllim që në të ardhmen ata të jenë sa më të përgatitur për jetë. Kontaktet e vazhdueshme edukator-prindër në shkollën tonë janë të shpeshta duke filluar nga takimet javore, mujore, pastaj kontaktet përmes telefonatave të shpeshta dhe e-mailet që ju kemi dërguar. Këto takime kanë ndikuar dukshëm në sjelljen e nxënësve, mësimin e tyre dhe tejkalimin e sfidave të ndryshme me të cilat ata janë ballafaquar, sepse bashkëpunimi prind-edukator na ndihmon që të palët të njihemi me nevojat e nxënësit, ambientin familjar në të cilin është rritur ai por edhe me ecurinë në mësime dhe rritjen e tij si nxënës në aspektin edukativ. Interesimi i nxënësve për mësim në këtë klasë është shumë në nivel, për çka rezulton edhe suksesi i tyre. Klasa XI/C ka katër orë shtesë në javë, ku përfshihen orët e matematikës, kimisë, fizikës dhe gjuhës italiane, por përveç këtyre orëve sipas dëshirës nxënësit mund të marrin pjesë edhe në aktivitete tjera siç janë: vallëzimi, aktrimi dhe këndimi. Shpresoj që këto rezultate në mësime të jenë të vazhdueshme si dhe bashkëpunimi me prindër të mos mungojë as në të ardhmen. Kujdestarja e klasës Drita Dobreci

NXËNËSIT: