Klasa XI/F numëron gjithsej 34 nxënës, prej të cilëve 8 janë femra dhe 26 janë meshkuj. Është viti i parë që jam kujdestar i kësaj klase ndjehem i privilegjuar, por edhe me një përgjegjësi të jashtëzakonshme. Po e them këtë për faktin se të besohen 34 nxënës nuk është edhe punë e lehtë, pasi përgatitja e tyre në aspektin edukativ dhe mësimor është e ndryshme paraprakisht. Shkolla jonë ofron të gjitha kushtet për ta ngritur nivelin edukativ dhe nivelin mësimor. Në këtë aspekt rëndësi të veçantë ka raporti me prindër, i cili ka qenë i vazhdueshëm brenda këtij viti shkollor. Kjo lehtëson punën time si kujdestar klase. Duke i falenderuar prindërit uroj që në vitet tjera ky angazhim të bëhet edhe më i madh, në mënyrë që të rritet niveli mësimor sepse ky nivel nuk është edhe aq i kënaqshëm. Shkolla jonë ofron edhe orët shtesë dhe aktivitetet tjera kulturo artistike jashtëkurikulare. Pikërisht orët shtesë kanë një rol tepër të rëndësishëm në përforcimin e lëndëve mësimore, aty ku nxënësit kanë nevojë. Për këtë do të falendëroja kolegët e mi, që përkundër orëve të shumta janë të gatshëm çdoherë në realizimin e orëve shtesë. Aktivitetet tjera vazhdojnë të mbahen pandërprerë në shkollën tonë, me qëllim të ngritjes së nxënësve në aspekte të ndryshme. Si kujdestar klase do të vazhdoj të realizoj qëllimin tim për ngritjen e kësaj gjenerate. Duke ju uruar më të mirën, shpresoj se suksesi brenda klasës do të rritet nga viti në vit. Suksese! Kujdestari Pashk Manrecaj